ANJAAN RAAHI

Vo jaan kar bhi anjaan bane baithe hain,

naa jaane kyu aise sar jhukaye baithe hain,

dil se dard ka rishta banaaye baithe hain..

vo jaan kar bhi anjaan bane baithe hain..

aansuon ko yun apnaaye hue baithe hain,

jaane kyu vo sar jhukaye baithe hain,

hakeekat ko sapna banaaye baithe hain,

vo jaan kar bhi anjaan bane baithe hain..

uss syaahi me yun hi doobe hue baithe hain,

har akshar ko shabd banaaye baithe hain..

apni aks ko paraya kar baithe hain,

vo jaan kar bhi anjaan bane baithe hain..

jaane kyu aise sir jhukaaye baithe hain.. 

hum toh yun hi aapke liye sabra kiye baithe hain ,

naa jaane kyu yun hi dil diye baithe hain..

unki aankon ko zabaaan diye baithe hain ,

apni khwaahishon ko yun hi dabaa liye baithe hain, 

vo jaan kar bhi anjaan bane baithe hain,

naa jaane kyu aise sir jhukaaye baithe hain..!